Ká pakitinikátéki

MAIN GALLERY
MARVIN FRANCIS MEDIA GALLERY
AND (Artist New Dimension) GALLERY

Paminikéwina itótamowin/náwasónikéwin óma isi itócikátéw anihi mána kápé pakitinikátéki otáspasinahikéwak osci, ká níkánakisocik ékosi ká itatoskécik éko anikik kotakak Ininiwak ékwéniw itowa ká nócitácik. Kékwána anihi ké nókotániwaki náwasónam ana ká níkánakisot inikok ké isi maskawi nókotániwaki anihi táspasinahikéwina éko ké isi ániskó kiskénitákoki anté isi anohc ká itócikániwak éko ká isi nókotániwak Ininíwi táspasinahikéwin. Nanátok itowa anohc ká ositániwaki táspasinahikéwina nipaminénán éko ékota anihi ká kinawápatamak misiwé osci, nanátok isi wítamákéwin/oski isi wítamákéwina éko ká nakamitotakik nímitotakik anihi káwi nókotácik. Urban Shaman ókik mékwác ayáwak nisto kawisk é paminkátéki wápatinikamikwa. Ékwani ohi éko ékwanikok óma yá ispícáki 3000sq.ft Main Gallery, the 300 sq. ft Marvin Francis Media Art Gallery éko anta 250sq.ft Artist New Dimension (AND) Gallery. Kakinaw anikik otáspasinahikéwak osci tipahamawáwak kákí isi wanasowániwak ta isi tipayamácik CARFAC píkiskwéstamákéwinik éko anima piko pakán ispík anima tanto askíy ká ayániwak 50-500 wícitásowak ká nókotinowécik kékwána.

Anikik Urban Shama mina isi wícihiwéwak óma étipayakik kitapé isitisayikátéki/itotatániwaki anihi táspasinahikéwina, anikik pakwacáyik itáwinik ká wíkicik kita tipahamácik tanto kísikáw óta ké isko ayácik, opimotéwiniwáw éko mína ité ké kapésicik éko ké kinawénicikáténik anihi kákí pétácik táspasinhikéwina inikok ta wanastániwaki ispík páskiténikátéki anima nókotáwin. Éko mína misiwé nitisi nócitánán óma kita kiskénimikawiyák é wítamákéyák/ é ácinókéyák éko ékwani óma nitahitóténan é papámi itotéyák nanátok ité é natawi ayamitotamák, é nókotáyák éko nanátok ká isi nókopaniki é masinahikátéki éko ká isi nókotaniwaki anohc kékwána é ápacitáyák óma ta itótamák. Otáspasinahikéwak, omasinahikéwak éko anihi ká tipayakik ká kítwám kékwána kita ositániwak wéká ta kakéskinawápacikátéki ékwani wina tipahikéstamákániwanwa. Anihi níkán ká nistomi paminamák anihi otáspasinahikéwina ká ositácik éko oski kékwána é ápacitácik éko nanátok pakán é isi nókotácik éwápatiniwécik ékwéniw. Ékota ókik isi akisoyak kakinaw anihi ké ispícinákoninik wéká ké iténitákoninik nanátok otáspasinahikéwina, anihi kákí ositácik énókotácik náspic é nanátawi nakacitácik kita isi wápatiniwécik éko éspíci áskaw animénitákok anima ékosi kita isi nókotáyan kitáspasinahikéwina.

Miskotamowina óhi oci nanátok táspasinahikéwina tápitawi otinikátéwa éko kikakípé isitisayén óté:

Director
Urban Shaman: Contemporary Aboriginal Art
203-290 McDermot Avenue,
Winnipeg, MB, R3B 0T2

wéká kikaki pé masinihamawáw wa Director
Daina Warren daina@urbanshaman.org

Ékota kita takoyasinahikátéki óhi:

• Otáspinahikéw otitwéwin (1-2 paragraphs)
• Otáspasinahikéw kákípé itatoskét/C.V(1-2 pages)
• Otáspasinahikéw anima omiskotamowin
  ékota mína ké ispícanik tánté káwí tasi nócicikét éko tántowa ápacitáwina ké natawénitak kita nókotiniwét kékwána éko kita wítak tánisi mwéci ké isinákoninik anima kákí atoskátak (1-2 paragraphs)
•  ká ápacitát énókotinowét óma
  cikástécicikan mitátat éko nísotanaw inikok anihi cikástécicikan kákí ositát anocíké. Anihi ká nókotáyan cikástécicikana piko kitakí nókotániwaki kita ispícáki 72 dpi, 1024 x 768 pixel, 500k, RGB Pétakamowin/Cikástésimon-ékota wésám piko 10 min inikok kita iskwák anima cikástécicikan. URL- piko ékwéniw takí ápatak anihi osci taspasinahikéwina kákí ositániwaki éko piko ta nókotániwaki anté piko kékwána cikástécicikana ká nókopaniki Internet ká itakik. Ká masinahikátéki kita nókotániwaki Masinahikéwina, kítwám ká ayamitániwak, éko kotaka kékwána ká ápataki ká ositániwaki óhi (wípakitinamani ékotowa). Kécináhok anihi kakinaw kékwána ká ápacitáyan ta wápatiniwéyan ki cakástécicikana kawisk kita itásinahikátéki ké ati isi natawénitákoki éko kita yá ispícáki anima ká isi tawinamácik kita itotakik.
• Kitápacitáwina anihi óté kikakípé mosci isitisayén ápacitáyani anihi ká takonikátéki kita sipwétisayaman kimasinahikéwin éko kita ápacitáyan anihi We Transfer wéká Dropbox ká itakik wéká kikakípé mosci isitisayén óté anihi ki masinahikanwa. Ékota takwasta ékawáciy tipahikáték isitisahamátowin asowacikanis kisáspin ki natawénitén kítwám tapé isitisayamákawiyan anihi ki masinahikana.

Awasimé kiskénitamowina osci, oté pé isi ayami 204.942.2674 wéká pé isitisaya anihi ká nókopaniki ki masinahikéwina info@urbanshaman.org

Ocihiwéwin: Urban Shaman ókik itwéwak éká wínawáw kitakí atáménimicik kisáspin kékwána wanicikátéwa ká pimáwatásonániwaki ispík. Éko mína, kisáspin mwác ki tépi tipayén anima ká kísáci tipahikáték ta kíwétisayamákawiyan anihi ki masinahikanwa (é koyaci tipahikaték kita kiwétisayamakawiyan asowaciy masinahikano,) ékwáni mwác ékwani kika isitisayamákawin.