JOIN & SUPPORT

Your donation of any amount makes an immediate and lasting difference!

E-Apikeng Izhitwaawinan Gaye Aweneniwiying

E-Apikeng Izhitwaawinan Gaye Aweneniwiying

Artist(s): Gaa-mazinichigewaad: Angela George, Chief Janice George & Buddy Joseph, Dawn Livera & Adrienne Neufeld, Krista Point, Nadia Sajid, Ruth Sheuing, Shamina Senaratne, Michelle Sirois Silver, Debra Sparrow, Robyn Sparrow, Mary Lou Trinkwon, Doaa Jamal, Damian John, Sholeh Mahlouji, Michelle Nahanee, gaye Kit Walton
Start: June 19, 2020 12:00 pm
End: August 1, 2020 12:00 am
Galleries: Main

Imaa Mayaa Gaa-izhi-waabanda’iding

E-apikeng Izhitwaawinan gaye Aweneniwiying

Ode’iminigiizis 19 biinish Miinigiizis 1, 2020

wiiji-izhichigemaawaa Vancouver Endaso-niizho-biboon, gaa-gii-maawadoosidood Zarina Laalo, waabanda’iwewin gaa-gii-ozhisidood Lori Lai.

Iwe Vancouver Endaso-niizho-biboon miigiwewag owe E-apikeng Izhitwaawinan gaye Aweneniwiying miziwe Gaanada Akiing Ji-waabanda’iweng, obiidoonaawaa Urban Shaman Noongom Anishinaabe Mazinichigewin Waabanda’iwewigamig

E-apikeng Izhitwaawinan gaye Aweneniwiying waawaabanjigaade wegonen iwe aweneniwiying gaye gaa-bakaanwewaandakin dinookaanan izhitwaawinan, e-aabajichigaadeg dash e-apikewad ji-dibaajimong. Gaa-mazinichigewaad gaye gaa-apikewaad Vancouver gaa-daawaad waasa dash agaamakiing gaa-onjiiwaad, gaye igi Anishinaabeg Jiigew Gichi-gamiing Selish gaa-izhinikaazowaad daabishkoo Maskwiyam gaye Skwaamish, gaye Tsleyil-Waatooth gaye Telaazten gii-maamawi-biinaawag ji-oko-dazhiikamowaad 10 gaa-agaasingin “anama’aa apisijiganan” daabishkoo gaa-ayaawaad wedi waasa agaamakiing gaa-izhitwaawaad dago dash omaa anishinaabe apikaanan.

Amii ezhi-ginigawi-inaabiigisijigaadegin izhitwaawinan ji-maamawi-gaagiigidowaad begbakaan gaa-izhitwaawaad gaa-mazinichigewaad, e-miinindiwaad izhitwaawi-gikendaasowin gaye aweneniwiwaad gii-aabajitoowaad zhinoodaagan gaye bagwaanish. Amii owe gaa-baatiinwewaanagak izhichigewin ezhi-dagwiimagak imaa Vancouver Endaso-niizho-biboon 2018-2020 waabanda’iwewin “giiwe-mazinichigan-n”.

Ninanaakomaanaanig ewiijitwaawaad owe izhichigewin ogo: Gaanada Gaa-miigiwewaad Zhooniyaa Ji-mazinichigeng, Buschlen Mowatt Nichol Foundation, Heritage BC, Gaanada Ogimaawiwin, Vancouver Gaa-izhi-ganawenjigaadegin Gete-gegoonan. Miigwech, Haihai Ekosi Merci Thank you.