JOIN & SUPPORT

Your donation of any amount makes an immediate and lasting difference!

Wihtamákéwin Isihcikéwina

Wihtamákéwin Isihcikéwina

Start:
End:
Galleries: Marvin Offsite Online

Oski Wícéwákanitowak Itáwinihk Mitéwi Masinástéwin (Urban Shaman Gallery) akwa Wínipék Méskanása (Winnipeg Trails  Association) óta Wihtamákéwin Isihcikéwina (“The Speech Act Project”)

Mwéhci Ké-Tócikaték

Itáwinihk Mitéwi Ininiwi Masinástéwin (Urban Shaman Gallery), akwa Wínipék Méskanása (Winnipeg Trails  Association) kí-wíci-níkánískamwak kita awasimé pimácihtániwahki akwa mína ápatahki Ininiwi ayamiwina, ékota ohci kita kiskéwnihtákwahki, kahkinaw awiyak ácimowinihk akwa masinahikéwinihk. Kahkinaw ayamiwina páhpítos isi wíhcikémakana tápwéhtamowina, kiskénitamowina, iténitamowina, akwa kékwán ká-ohci itwániwahki. Awiyak otayamowin, otitwéwin wíhcikémakaniw é-isi-mámitonénihtahk akwa mína nókohtáw otiténitamowina anima ká-mohci tótahk poko. Óma wanasowéwi isihcikéwinis, ápacihtáw masinahipéhikana kita wíhtahk ininiw okiskénihcikéwin akwa éká kita wanihtácik animéniw ininiwi otayamowiniwáwá.

Nókohtáwina misiwé

Wí-mihcétinwa ininiwi ácimowina – Poko ispí kita kí-nókwana kita kí-kwayask kinawápahcikátéki. Nika wíci atoskáténán pítos nókohtáwi ápacihtáwina poko ité kita nókwahki akwa kita péhtákwahki kayási ácimowina. Namóna céskwa nawasónikátéw wínawin. Kita nókwana kiskinohtahikanihk óho ácimowina akwa mína ité ká-ohcímakahki, poko ispí, é-kískiká ahpo é-tipiskák. Nókohtáwina anihi wíhcikátéw kisáspin óma ácimowin, masinipéhikan, nikamon, awéka pítos ininwi wíhtamákéwin. Ninatwéniténán ininiwi ayamihcikéwin kita nówahk misiwé wanawítimihk akwa ita méskanáwa ká-ihtakwahki.

APP LINK COMING SOON

 

Apiwin Astániwan wíci  ana Ryan Gorrie Bizindaadiwag

Installation will be at Michelle Jean Park, 65 Granville Street, Winnipeg

Ryan Gorrie akwa Brook McIlroy Inc., wí-osihtáwak oski nahkihtáwin anita North Winnipeg Parkway Pikwacáyisihk Michelle Jean ékota anima Norquay Community Centre. – apiwin kita natohcikáték! Awasime nawac kita wícikátéw ispí kéyápic kiskénitákwahki osihicikéwin akwa pakosénimowina.  Ryan Gorrie kí-pé-wíci-atoskéméw Brook McIlroy aspin ochi askiy (2009), ispí é-kí-kanawénimiht kita kapé wíco-atoskémát óho ká-níkánínit oté ohci Pinésí Wásaháhk (Thunder Bay), akwa wína tipináw níkánískam aspin ohci askiy (2016) oméniw Wínipék ká-asték atoskéwikamik é-itwániwahk Winnipeg Inininwi Masinástéwikamik (Winnipeg Design Studio.).

Ryan oté ohcíw Bingwi Neyaashi Anishinaabek (Sand Point First Nation on Lake Nipigon) akwa kikinam ininiwi kiskénitamowin akwa tápwéhtamowin ita ká-osihtániwahki kayási kékwánisa ká-ápathaki é-mámawínániwahk, akwa mína é-misáki osihcikéwina. Kí-mínáw óta Mánitowapáhk (Manitoba) kita ápacihtát okiskénitamowin. Askiy (2018), Ryan otatoskéwin kí-nókohtániwaniw é-icikáték: Tépihtákosiwina askíhk (Voices of the Venice Biennale) akwa mína kotakiyak ininiwi osihcikéwak óta misiwé Mihkináwi Minisitikohk, (Turtle Island). Otósihcikéwina akwa otatatoskéwin kí-kiskénihcikáténiw misiwé ité ohci tápiskóc ókok Ontario Association of Architects, Royal Architectural Institute of Canada, akwa Ontario Wood Works. Kayahté mína kita sóhkiskahk ininiwi kiskénihcikéwin akwa osihcikéwin, kí-wícihéw óho Brook McIlroy kita miskaminit ápacihtáwina kita ápacihtániwahki ita ká-osihtániwahki atoskéwina. Kiskinwáhamowéw mína ininiwa akwa oskátisa kita atoskénit ékota kéhciwák ká-tipénitahk atatoskéwikamik.

 

Itwéwin anohc ohci ká-kísikák

Ininímowin akwa Anishinábémowin kí-mósak kiskénitákwana. Kiskinwáhamákéwin Inininwi ayamowina kita kí-pimácihtániwana asici kotakiya ininiwi ayamowina óta Mihkináhk Ministik. Isinákwanawa akwa itwéwina kita wícihémakwana kita kiskinwáhamákoyahk. Itwéwinisa/itwéina kita nókwana ita ká-ayáyan mékwác, tápiskós “papámohtétán” (let’s go for a walk”), “tánsi” (hello), akwa mína anihi kéhciwák ká-wápahtaman kékwána, tápiskóc”sípiy” (river).

 

Ká Kiskinawámákawiyan Ininíwi Píkiskwéwin ayáw ká itótak B ( éko mína isi kiskénimáw LLB)

LLB anima papéyatak é isi mócikaki awámákániwaki anihi Ininíwi píkiskwéwina, kita natotawat awiyak ékosi kawisk é isi kaskitát ta kinawénitak opíkiskwéw. Anihi cikástécicikana nókotáwa kékwána óhi ká nóté kiskénitaman éko móna ita takonwa anihi itowa píkiskwéwina anima ká ayáyan. Ká ayamitotak/Kákí ositát óméniw Brennan McKay wíkoméw óhi kákí wísámicik kita wícihiwécik ita ká kiskinawáma kániwaki óhi tantwá péyakwá é ispanik. Óma kákí isi natoni kiskénitak éko oci nókon óma áskaw ká kocitáyan ta kiskénitaman oski píkiskwéwin nawac ki minénitén kisáspin é wícihis awiyak é kaskitát ékosi ta isi ayamit. Kisáspin ki tayamiskin wéká nawac kiwí nanépéwisin anima “Ká Kiskanawámákawiyak píkiskwéwin éko ta wícihis awa B”, náspic ki nóté atoskatén óma éko é minénitákik anikik óma ká isi kistináwámácik.

 


 

Share your experiences on the trails and photos on #speechact or #healingtrails #MbIndigenousLanguages