Mitáhtat-tépakoposáp askíya aspin kákí oci takok anima 50-500 mámaw ká tasicik énócitácik máwasako nókotáwina éko é atáwákécik ékwéniw
Ispík tapé wítamék tánisi káwí isicikéyék!
Ohi kísikáwa: Kaskatnowi Písim 12 é akimit isko Páwácakanasís Písim 20, 2021
Iskawác ké ispanik isko tapé pakitinaman anihi káwí nókotáyan éko káwí atáwákéyan óma óta akimici Ákwatnowi Písim 31, 2021
Anikik óma oci otáspasinahikéwak wéká ká ositácik kékwána ta wápatiniwécik éko ta atáwákécik
Kékwániw óma káwí nócitániwak: Ayíw óma kici nócitáwin ékwani nísotanaw-niyánanosáp étitipipaniki aspin kákí mácitániwak anima Urban Shaman Gallery ká itakik éko mitáhtat nikotwásosáp askíya anima 50 isko 500 nócitáwin ká itakik!Niwíkománánik kakinaw nanátok isi otáspasinahikéwak tapé isitisayakik anihi kékwána kákí ositácik éko ta atáwákániwaki anté isi ká nókopaniki cikástécicikana. Kakinaw anihi kékwána ta atáwákániwanwa éko nanátok takí itakitéwa níso sóniyáw oci isko niyánan mitáhtomitanaw isko éko ana otáspasinahikéw wína kakinaw ta otisiw anihi sóniyáwa! Óma kákípé askíwak anihi kákí nókotáyák ta atáwákéyák kí miscétinwa nanátok é isinákoki tapásinahikéwina wéká osicikéwina éko ésko kaskitáyák ni kakwé nókotánán ohi misiwé isi é ápacitáyák anihi ká masinayaman éko ká cakástétitáyán kékwána éko ká moci mákonaman ta sipwétisayaman éko ta nókok ékota awina awa óma otisicikéwin ká wápatinowét ohi. Éko anohc óma káwí isi nócicikéyák ta mócikan éko ta minwénitákon, apók étoké nawac awasimé ta isícikániwak éko!!
Kakinaw anikik otáspasinahikéwak káwí pakitinakik anihi kékwána kákí ositácik ta nókotániwaki éko ta atáwákániwaki piko ta tipénitákosit anté isi Urban Shaman ká itakik. Kisáspin mwác ékoté céskwa kitisi tipénitákosin (wéká mwác ki kiskénitén tánisi étapiyan ékota), ékota óma kika nahipanihikon ta pítokápéhosoyan ékota ta isi akisoyan éko tanto askíya képé ocicipaniki ékota kika isi pítóké akimikawin sémák!Ta pítoké tipahosiyan ita ta isi tipénitákosiyan nísotanaw niyánanosáp sóniyáw péyak askíy kita itakitéw, nísotanaw itátwáspisk kita itakitéw kisáspin otína kiskinawátowikamikok kiyápic ki tayán wéká mwác kitótataskéwinin, wéká máka wina kisáspin awasimé nawac wí nóté pakitinikéyani ta wá wíciyacik óma ká pimipanitácik nókotáwikamik kikaki atáwán kékwána inikok niyánano mitanaw sóniyáw (wéká awasimé) kékwána é itakitéki éko néyáp mwéstas ana kakinaw ki sóniyamán mwác kika akitamák kici okimáwiwin ta tipawat awasimé. Itápi ité ká nókopaniki ni cakástésimonáni wéká pé natawápaminán tapé sákaskinayaman masinahikana ita ta oci pítoké akisoyan ékota. Urban Shaman piko isi otinamwak kita tipayamácik ité ká tatatoskécik, ta áciyépawat sóniyáw, ta moci tipayikéyan ékota, wéká nanátok tipámákowi masinahikan. Pé ayamíkan ta isícikéyak tánispík kékí pé natawápamiyák.Kisáspin kinóté pítokéwasinahosan ta ápacitáyan anima mákonikan ta nókopanik ékwéniw, kika oci tipahikán anima Paypal ká itakik éko áyáwak ékotowa anté Urban Shaman ká nókopaniki ki masinahikéwina www.urbanshaman.org.
Ayíw óma itowa KÁ MOCI NÓKOPANIKI MINÓCICIKÉWINA PAMINIKÉWIN.Ná níso anihi kakinaw otá sinahikéwak taspa kákí ositácik takípé isitisayamwak óté, pitáma kécinác asáy ékí sákaskiniyaman anihi masinahikanwa ita ta isi akisoyan éko anihi ki táspasinahikanwa óta kikakípé isitisayén outreach@urbanshaman.org inikok ta akisot Akwátnowi Písim 31, 2021.Nipakosénimonán óma kawisk é itasinahikáték óma kína kitayán éko ta wétak ta isitisayamawat ana kákí atáwét oméniw, éko ta nakatawénitaman awasimé ké isi minonákok anima kákí ositáyan ta atáwákéyan awasimé ta nóté atáwéwak ékosi isi wápatakwákáw, kakinaw awiyak ninanáskománán!
Anikik oci óhi kékwána ká atáwécik
Anikik Urban Shaman otatoskéwak mékwác wanénitamwak óma káwí isícikécik 17th titipipaniwina óma 50 isko 500 Otitakisowak Énókotácik éko éwí patáwákécik otáspasinahik niwáwa óma akimicik óhi Kaskitanáni Písim 12 isko Páwácakanásis Písim 20, 2021. Óma ká isi nócicikéyák ékóma tanisi askíy ká itótamák énanáskomáyákon ókik ininiwak kákípé isi pitoképéhosocik ta isi akisocik anima Urban Shaman ká itakik. Ókik 50 isko 500 ká iticik ékota ókik ita ká isi akisocik é wápatinicik óhi ká nitá táspasinahikécik é-misceninit óhi ta wápatakik ká itótaki éko tapé nátikocik ékwéniw oci. Ékwáni ókik Urban Shaman Gallery ká iticik nísotanaw niyánanosáp askíya éko anikik ita ká isi akisot kita nókotáwak otáspasnahikéwiniwáwa ita ká moci isitisayamani ta nókapaniki éko ta yá atáwákoniwanwa éko nanátok ta yá itaktéwa níso sóniyás oci iski niyán mitanaw sóniyás, mwéci ká isipéhikaték anta níkánik óma masinahikan. Ká atáwákániwaki óhi nanátok itowa táspasinahikéwina ká wétakitéki, oci wícihikowak anikik óhi sóniyáwa ká kaskicikécik ta oci pimácihocik, wéká piko kakinaw ana sóniyáw ká pakitinit ana otáspasinahikéw wína kakinaw otisiw anihi sóniyáwa.
Anohc anihi táspasinahikéwina mosci nókotaniwanwa anta anihi ki mákonikan ká ápacitáyan tapé isitisayaman ésinákoki ana káwí nókotáyan ta atáwákéyan. Anihi káwí nókotániwaki táspasinahikéwina ékota kika wápatén anima oskáyi mákonikan nókopicikan é ápatak éko anihi nanátok sipwé ayamiwina éko ká isi nókotániwew ácinókéwina. Óma ká isi nócicikéyák péskis, mína ékota é oci sóniyákátamák óma ékosi tapé tápitawi isicikéyák! Nipakosénimonán anikik óhi ká yá atáwécik nanátok táspasinahikéwina ta sákaskinayakik masinahikan éki wístawáw ta isi pítoké tipénitákosit éko ta oci wá wícihikoyákana ocí ká máwasako sóniyáwéyák kita mino pamitóyák óma ká isi nócicikéyák. Ana ki pakitinikéwin móna piko ki tatáwéstamáson táspasinahikéwin, máka mína ki wícihiwán óma éwí páskiténikáték táspasinahikéwin nókotawikamik wípac nawac! Kíta páskiténikátéw ispík mátakimici Aníki Písim 2024.
Ita ká isi tipénitákosiyan nawac anima awasimé óma ká isícikéyan wícihiwéyan ta mino paminikáték óma nanátok táspasinahikéwina nókotawikamik. Anikik anta isi otipénitákosiwak ta ati nakiskawéwak anikik kotak anisinápéwak ká táspasinahikécik nanátok isi éko é yá isi wícihitówi ékwéniw ta paminakik é moci ápacatácik anihi mákonikana ká ati óci nókopaniki ki masinahikéwina éko anihi cakástécicikana éko ékota ta nókopaniw tánté kákí otina óhi itowa kiskénitamona. Anikik anta isi otipénítákosiwak itapiwak óma ta pítakécik ta ápacitácik anihi anta kékwána ká kinawénicikátéki nántaw ta tápatat Urban Shaman miscét masinahikana ká kinawénitakik éko anihi nanátaw cikástécicikana máka piko ta wíkomikawiyan pítamá émwés ité natawi pítokéyan. Anikik ininiwak ité ká nócicikécik Urban Shaman ká itakik papéyatak énitákosiwak, natotamwak óma nántaw ká itwániwak, sáki kinawéniméw éko mino nakiskawéw piko aniki awiniwa óta ké isi tipénitakosininit. Anikik Urban Shaman nókotáwikamik sóki nócitáwak óma ta wíciyacik anihi ité ká isi pítoké akisocik piko ké isko kaskitániwak-apók ta mínicik áskaw sóniyáwa wéká ta wícihicik óma ta isi mino ácimisot kita ápacitácik anihi nanátok mákoni ápacitáwina ita ká nókopaniki masinahikéwina éko nanatok cikástécicikana wéká ité kákí otinikátéki ohi nanátonikéwi kiskénitamona.
Ókik Urban Shaman ká iticik ékwanik piko ékotowa Anisinápéwi nókotáwin éko móna-kékwán oci kaskicikaniwan óma ékosi ká isi nócitániwak óta píci tipáskánik. Inikok kákí tipahikéyan ta pítoké akisoyan móna piko anta isi ápatisiw ta pimipanitániwak anima nókotáwikamik máka ta otisicik anikik óta itáwinik ká ayácik Anisinápéwak óma ká nita táspasinahikécik nanátok isi ta tápitawi itótakik ékwéniw.