JOIN & SUPPORT
Your donation of any amount makes an immediate and lasting difference!
Wegonen Urban Shaman
JI-IZHICHIGENG EKIDONG
Iwe Urban Shaman Anishinaabeg oniigaanitaanaawaa’, wiiji’aawaad Anishinaabe’ maajitoonaawaanid owaabanda’iwewiniwaan.
ODINWAAZOWAAN
Mii-sa Urban Shaman waabanda’iwewag noongom Anishinaabeg omazinichigewaanan aaniin ji-izhi-waabanda’iweng izhitwaawinan.
EZHICHIGEWAAD
Iwe Urban Shaman Contemporary Arts wiin niigaaniiwag waabanda’iwewaad Anishinaabe mazinichigewinan ji-waabanda’iwewaapan gegoon gaa-gii-ozhitoowaad. Megwaa ninoonde-dazhiikaamin gegoon oshki-aya’ii ji-ani-waawaabanda’iwengiban, mii ezhichigeyaang. Wiinawaa Urban Shaman oniigaanatoonaawaa’ Anishinaabe mazinichiganan gaa-izhi-daawaad awiyag.
- Onandawendaanaawaa’ gaye waawiiji’aawaad gaa-oshki-maajii-izhichigewaad. Bebakaan da-izhi-wiiji’iwewag miziwekamig ji-gikenimindwaa ogo gaa-mazinichigewaad, bebakaan gaa-ozhitoowaad gaye. Wiiji’iwewag gaye onachigaadegin ono ozhichiganan, zhigwa miinawaa gikina’amaagewaad ono izhichigewinan, mii dash owe ji-wiiji’igowaapan Anishinaabeg ji-bi-waabandamowaad gegoon gaa-waabanda’iweng.
Gaawiin iwe Urban Shaman Inc. gaa-waabanda’iweng wendasinoon bigo awiya ji-biindiged imaa.
Apii dash biindigeyan, mangate imaa gaa-ategin gaa-waabanda’iweng, aana-gii-ayaamagakin ziidooshkaagegin gegoon babadakidewan. Gaa-anokiiwaad imaa bigo gige-izhi-wiiji’igoog.
Ozhibii’amawishinaam imaa info@urbanshaman.org gemaa niiyaag ganoonishinaam omaa 204.942.2674 wegonen ge-izhi-wiiji’ikwaa apii imaa dagoshinan.