JOIN & SUPPORT
Your donation of any amount makes an immediate and lasting difference!
Bakidiniken iimaa Odenaak Kayaash Anishininiiwimashkikiwininikaak
Odenaak Kayaash Anishininiiwimashkikiwinini odahpendaanaawaan bakidinikewinan kewiji dawinamaakin nidishkwaademinaaan, kewiji waashtenikeyaak egwa , maawach kaakijiinendaakwak, jibimojikeyaak iimaa waabadahiikewikamikok egwa jikwayaadinamwaayaakwaa bimojikewinan iikweniwak oji kaawiidabimaayaakwaa.
Jiwiijidwaayan iimaa Odenaak Kayaash Anishininiiwimashkikiwininikaak dodamowinan, kikakwejimiko jimaamidonenimishiyaak keniinawit beshik ahko kaawiijihaayekwaa kebakidinenikewiniwaak.
Odenaak Kayaash Anishininiiwimashkikiwinini odanohkaadaanaawaan iiweni Anishininiiwi kakiidaawidodamowinan dashikewin egwa kakiidaawidodamowinan dashikewinik misiwe biko. Kiwijikaabawiidaakewin dawijikejinaawise jidebinamaakin kaanadawendamowaj okakiidaawidodamowinak jikwayaadinamaakin ke-iishibimojikaadekin kakiidaawidodamowinan kaa-iishi naakojikaadekin iimaa misiwe biko ka-iishinaakwakin egwa aniko kaayabiijisekin jiwidaapinikaadek iiwe niikaaniidamaakewin iimaa kaa-iishi wawenahjikaadekin anishininiiwi kakiidaawidodamowinan.
SUBMISSIONS
Bimoojikewinik/Waweninikewinik kaa-iishi bimisek iiwe oji kaabaabimi miikwewaaj Kaakakiidawidodamowaaj, waabadahiiwewinik kaadibaajidamowaaj naanda kaa-ohkwiiniwaaj. Waabadahiiwewinanwaweninikaadewan iimaa oji Owawenahjikewinini iiweni oji kaayabiiji mashkawisiimakaninik awe okakiidaawidodamowinini egwa kaa-iishi naabisenik iiweni misiwe biko kaa-iishi kikenjikaadek nookom Anishininiiwi Kakiidaawidodamowinan. Nidoonahtominan mishiin nookom kakiidaawidodamowinan iikweniwan kaye niishin egwa nishin kaa-iishi naakwakin oshjikewinan, masinaahtehsjikewinan/oshki masinaahtehsjikewinan egwa kaa-iishi bimondisinaaniwak kaawijisek kakiidaawidodamowin. Odenaak Kayaash Anishininiiwimashkikiwinini mekwaaj odayaanaawaan nihsin kaadashidibaajijikaadenikin waabadahiiwewikamikoon.
IIWE OJI
KE-IISHI DEBINIKAANIWAK WIIDAMAAKEWIN
Odenaak Kayaash Anishininiiwimashkikiwinini iiwe anishininiwak okakiidaawidodamook bimojikewikamikok kaa-iishi kakwedebinikaadenik onadawendamowiniwaan okakiidaawidodamook jikwayaadinakanoonij odaabaanan iikweniwan oji kakiidaawidodamowinan kaa-iishi waabadahiiwenaniwak misiwe iimaa dodamowinan egwa misiwe kaayabijisek jiwidapinikaadek niikaaniidamaakewin iimaa ke-iishi wawenahtehk iiwe Anishininiiwi Kakiidaawidodamowinan.
IISHIWAABAJIKAADEK
Odenaak Kayaash Anishininiiwimashkikiwinini waabadahiiwewak nookom Anishininiiwi Kakiidaawidodamowinan debwedamowinik mekwaaj ewijiniibawiidamakin ka-iishi baabakaaninaakwakin kidanishininiwi bimaadisowininaanan.